जण डब्बा में मैं बठी थी। ऊँ डब्बो रिर्जवेशन रो थो। जा में बैठवा वस्ते टीसी साब से सीलिप कटाडनी पड़े। अणी वस्ते हूँ तो पैला ईज सीलिप कटाड़ी ने बैठी थी। थोड़ी देर बाद म्हारा डिब्बा में गाम री एक लोगई चढ़ी। जणी ऐ खुद रा बैठवा वस्ते सीट पे पैला से बैठ्या एक भई ने थोड़ों सखकवा रो कियो। ऊँ भई घणो हऊ मनक थो। अणी ज वस्ते वणी भई ऐ वणी लोगई ने कियो कि बैन यो रिर्जवेशन रो डब्बों है। अणी में बैठ्वा वस्ते थने टीसी ने पैसा देणा पड़ेगा। या वात हुणी ने वा लोगई तो वणी बापड़ा सेंपल मनक से भीड़ी ली ने उल्टों वणी ने ज कैवा लागी – ‘थे मने मत हमजाड़ों। मने नगे है कि अणी डंडलफ री सीट वाला डब्बा में बैठवा रा अबे पैसा नी लागे। थे तो छाना-माना वई ने खसकी जाओ तो ई ज हऊ रेगा।‘
वणी लोगई री या वात हुणी ने ऊँ मनक तो खसकी गयो ने वणा दोई री वाता हुणी-हुणी ने हूँ तो अपणी सीट पे बैठ्या-बैठ्या घणा दाँत काड़ी री थी। वणी टेम मैं मन में यो ज होच्यो कि आगे रई ने थे कदी कणी ने सलाह मत दो। नी तो ऊँ उल्टो थाणा ज माथे आवेगा।
मुझे आपकी इस काबलियत के बारे में तो मने नगे पड़्यों गायत्री जी।
ReplyDeleteअबे तो नगे पड़ी ग्यो नी? आपऐ म्हारों ब्लॉग देख्यो अणी वस्ते हूँ थाणी घणी आभारी हूँ। अब तो या ईज अरज है कि थम म्हारा ब्लॉग पे आता-जाता रिजो।
ReplyDelete